Frysk-Nederlânske oersetting fia Oersetter API
De Oersetter is it Frysk-Nederlânske masineoersetsysteem fan de Fryske Akademy, dat op Frysker.nl al hûnderten oersettingen deis fersoarget. Fia de API kinst no deselde technology yn dyn eigen produkt yntegrearje!
Haadûndersikers: Eduard Drenth, Martijn Kingma, Nanna Hilton
Mear as in oersettsjinst
De Oersetter is ien fan de meast brûkte digitale taaltsjinsten fan de Fryske Akademy en foarmet boppedat in boustien foar de Fryske taaltechnology yn bredere sin.
Masine-oersetting foarmet no de basis foar website-oersettings, redaksjonele en contentmanagement-workflows, mobile applikaasjes, chatbots en spraakassistinten, meartalich sykjen en oare AI-tools dy’t mei it Frysk omgean kinne moatte.
Asto de API brûkst, wurdt dyn projekt mei ûnderdiel fan in groeiend ekosysteem fan Fryske digitale helpmiddels, en elke ferbettering oan De Oersetter komt te’n goede oan elke applikaasje dy’t derop boud is.
Wêrom De Oersetter
Makke foar it Frysk
It draait op oersettechnology dy’t spesifyk foar it Frysk ûntwikkele is en traind is op taaldata fan de Fryske Akademy, wêrtroch’t it betrouberder is as systemen foar algemien gebrûk.
Bewêzen yn de praktyk
It wurdt al brûkt yn de Oersetter-app fan Afûk en yn ûndersyksprojekten, lykas de Frysksprekkende sosjale robot dy’t ûntwikkele is troch promovendus Dylan Rose.
Transparant en betrouber
It wurdt ûntwikkele en ûnderhâlden troch in iepenbier ûndersyksynstitút, neffens de FAIR-prinsipes.
Wa is behelle
Nanna Haug Hilton
Undersiker
Nanna Hilton is senior ûndersiker en programmakoördinator Taalkunde by de Fryske Akademy. Har ûndersyk rjochtet him benammen op sosjolinguistyk, taalhâldings en fonetyk, boargerwittenskip en op taalplanning en -belied mei de klam op de Fryske taalmienskip.
Eduard Drenth
Software-arsjitekt
Eduard Drenth is software-arsjitekt by de Fryske Akademy, dêr’t er meiferantwurdlik is foar it ICT-belied. Dêrneist is er as ûntwikkeler belutsen by de taaldatabases fan de Fryske Akademy (Frysker.nl) en it online Nederlânsk-Frysk wurdboek.
Martijn Kingma
Undersiker
Martijn Kingma is postdoktoraal ûndersiker by de Fryske Akademy. Syn promoasje-ûndersyk rjochte him op fariaasje en feroaring yn it Fryske klinkertsysteem, wêrby’t er sosjolinguistyske en fonetyske metoaden kombinearret.
